AF268: 82r

diyār‑i Rūmda bir şehr vardur anda üç ṣu vardur meẕkūr ṣular ḥikmet üzerinedür qaçan‑ki ol yėrüñ pādişāhı // ʿādil ve sākin olsa yāḫᵛud ġazā qılsa Ṭunca nām ṣuyı ziyāde olub ṭaşar ammā ḫalq içinde emrāż‑i balġamīye ẓāhir // olur mīveler firāvān olub leẕīẕ olur ve niʿmet ziyāde olub kār u kesb artar ve ḫalquñ bir birine // maḥabbetleri ve şefqatleri efzūn olur hevā bārid ve yėl yaġmurlı olur ve hem pādişāhuñ ṭāliʿ‑i şerīfi quvvetde // ve seʿādetde va aʿdā‑yi dīn maqhūr u müdemmir ola ve Meric nām nehrüñ ziyāde olduġı sene quraqlıq olsa // hevā ġāyet ıssı ve mīve leẕẕetde vasaṭ olur ṣafrā ziyāde olmaġın ṣafrāya müteʿalliq emrāż ve ḥummā ziyāde // olur baʿżı yėrlerde ten‑dürüstlük ola pādişāh‑i ʿālī‑penāh aʿdā‑yi dīn üzerine ġālib olmaġın fütūḥāt // bī‑ḥadd ola ʿasākir‑i islām‑i ẓafer‑encām ḥareket üzre olub ʿArab u ʿAcem ve Yūnān ṭaraflarına ʿaẓīm seferler ėdeler // ḥuṣūṣen memālik‑i islāmīyeʾi ḥıfẓ u ḥirāseti içün sipāh‑i deryā emvāc irsāl ėtmegin şeyḥiyān‑i [!] dilāverān // mā‑beyninde aʿādī‑yi dīn‑i ser‑nigūn olalar [...] irādet‑i bī‑çūn nehr‑i Arda nām ziyāde olsa ṣayf ziyāde olub // ceng ü cidāl ve ḥuṣūmet ziyāde olub mīveler az ammā ḥāṣıllu ola baʿżı ḫurde mīveler olmayub ḥubūbāt // bī‑ḥadd ola ḫalq arasında emrāż‑i demevīye ẓāhir olur hevā muʿtedil olub pādişāh‑i dīn‑penāh ve ʿābidin [?] // ve sipāh baʿżı meẓālime ʿazīmet ṣoñra ʿadl ü dāda mübāşeret ėdeler memleket emn ü emān ve refāhīyet olub // kār u kesbler ve ġazālar ve ṭoyumlıqlar [?] bī‑ḥadd ola imdi bu ṣularuñ ḫāṣṣası [?] ve fāʾidesi muṭālaʿaʾı maṣnūʿāt‑i // ʿacāyibe ėden selef‑i ṣāliḥīn keşf buyurmışlardur zīrā ḥaqq tebāreke [?] ve taʿālā her ne kim ḫalq ile ḥikmet üzerine // ḫulq eylemişdür bāṭıl ve mechūl nesne yoqdur ḫulq‑i ʿālem ẓāhir ve bāṭına münqasımdur ẓāhiri şerʿ‑i Muḥammedīdür // anuñ ile taḥqīq ve taṣdīq olınur ammā bātınī ḥikmet birle istidlāl olınur ki ʿalāmet bir nesneden işāret // olınub ʿādetu llāh daḫı olı‑gelmişdür ḫavāṣṣa maʿlūmdur ki bir sırrı vardur kamā dallat [?] l‑āyatu [?] l-karīmatu // bi‑[!] ʿadami [?] buṭlāni l‑maḥlūqāti [!] qawluhū taʿālā ‖ rabbanā mā‑ḫalaqta hāḏā bāṭilan ve daḫı ehl‑i tevārīḫden menqūldur ki // qaçan Edirneʾi Evrenos binā ėtmelü oldı bir vezīri var idi ismine Arqas [?] ḥekīm dėrlerdi kāmil vücūd // idi ḥuṣūṣen ʿilm‑i usṭurlābda lā‑naẓīr idi pes ol ḥekīm eyitdi yā melikü z‑zemān bu üç ṣudan ki // bu şehrde aqar qamusında Tunca ṣuyı içmege maqbūldur eger balġam ġalebe ėderse daḫı şerbet‑i müshil birle defʿi mümkindür